عباس انصاری کی جانب سے وکیل اوپندر اُپادھیائے نے عدالت میں مؤقف پیش کیا، جبکہ اتر پردیش حکومت کی طرف سے ایڈووکیٹ جنرل اجے کمار مشرا اور ایڈیشنل ایڈووکیٹ جنرل ایم سی چترویدی نے دلائل دیے۔ حکومت نے ایم پی ایم ایل اے اسپیشل کورٹ مئو کے فیصلے پر روک لگانے کی مخالفت کی تھی۔
واضح رہے کہ 2022 کے اسمبلی انتخابات میں عباس انصاری نے ایک جلسے کے دوران افسران کے حساب کتاب کرنے کے حوالے سے بیان دیا تھا، جس پر انتخابی کمیشن نے نوٹس لیا اور معاملہ درج کیا۔ اس کیس میں 31 مئی کو فیصلہ آیا اور یکم جون کو اسمبلی سیکرٹریٹ نے مئو صدر سیٹ کو خالی قرار دے دیا۔
