ڈمپل یادو نے کہا، ’’اگر ہم ابھی ان دھاندلیوں کے خلاف آواز نہیں اٹھائیں گے تو کب اٹھائیں گے؟ جمہوری نظام کی بقا کے لیے ضروری ہے کہ حکومت اور الیکشن کمیشن اس کا فوری نوٹس لیں۔‘‘ ان کے مطابق بی جے پی عوام کے اصل مسائل سے توجہ ہٹانے کے لیے ایسی سرگرمیوں میں ملوث ہے۔
راجیہ سبھا میں بھی اس مسئلے پر شور ہوا اور کارروائی دوپہر دو بجے تک ملتوی کر دی گئی۔ مسلسل ہنگامے کی وجہ سے دونوں ایوانوں میں زیرِ بحث آنے والے کئی بلوں پر بات نہ ہو سکی۔ پیر کو بھی یہی صورتحال رہی، جب آٹھ بل بغیر بحث کے ہی منظور کر لیے گئے۔
