[]
حیدرآباد: ریاست تلنگانہ میں دسہرہ کی تعطیلات میں ایک دن کی کمی کی کردی گئی ہے۔ واضح رہے کہ دسہرہ تلنگانہ کے اہم تہواروں میں شمار کیا جاتا ہے۔
جاریہ سال دسہرہ کا تہوار 24 اکتوبر کو مقرر ہے۔ درگااشٹمی اور بتوکماں کا تہوار 22 اکتوبر کو منعقد ہوگا۔ جس کے پیش نظر حکومت تلنگانہ کی جانب سے ہر سال اسکولوں، کالجوں اور دفاتر کو چھٹیاں دیتی ہے۔
اس بار دسہرہ کے لئے کل 12 دنوں کے لئے تعطیلات رہیں گی جن میں بتوکماں اور دسہرہ کی تعطیلات شامل ہیں۔
اس سلسلہ میں تلنگانہ کے سرکاری اسکولوں کے تعلیمی کیلنڈر تعطیلات سے متعلق تفصیلات جاری کی گئی ہیں۔
تلنگانہ میں دسہرہ کی تعطیلات 2022 میں 13 دن کی تھیں لیکن 2023 میں صرف 12 دن دی جارہی ہیں۔
بتو کماں اور دسہرہ کی چھٹیاں اس سال 14 تا 25 اکتوبر ہوں گی۔ تعلیمی اداروں کی کشادگی 26 اکتوبرکو عمل میں آئے گی۔
