لکھنؤ: سوامی پرساد موریہ کے کانوڑ یاترا پر کئے گئے تبصرے کے خلاف جمعرات کو وشو ہندو رکھشا پریشد کے کارکنوں نے ان کی رہائش گاہ پہنچ کر گنگا جل سے گھر کو دھونے کی کوشش کی لیکن ایسا کرنے سے پہلے ہی موقع پر موجود پولیس نے حراست میں لے کر ایکو گارڈن بھیج دیا۔
اس دوران کارکنوں نے سوامی کے خلاف نعرے لگائے۔آج وشو ہندو رکھشا پریشد کے صدر گوپال رائے کی قیادت میں ایک درجن سے زیادہ کارکن سوامی پرساد موریہ کی رہائش گاہ کو گنگاجل سے دھو کر پاک کرنے جا رہے تھے۔
ہندو تنظیم کے کارکن جیسے ہی سوامی پرساد موریہ کی رہائش گاہ کی طرف بڑھے تو پولیس نے انہیں راستے میں روک کر سمجھانے کی کوشش کی۔ جب کارکن پرسکون نہ ہوئے تو انہیں حراست میں لے کر ایکو گارڈن بھیج دیا گیا۔ اس دوران کارکنوں نے حکومت اور انتظامیہ کے خلاف بھی نعرے بازی کی۔
وشو ہندو رکھشا پریشد کے ارکان نے بتایا کہ وہ سوامی پرساد موریہ کے گھر کو گنگاجل سے پاک کرنے جارہے تھے۔ ہندو ہونے کے باوجود وہ ہندوؤں کی توہین کر رہا ہے۔ جب ہندو لڑکیوں کے ساتھ غلط کام ہوتے ہیں تو وہ اس کے خلاف کچھ نہیں کہتے۔
स्वामी प्रसाद मौर्य के आवास पर पुलिस तैनात
आवास पर विश्व हिंदू रक्षा परिषद के नेता पहुंचे
कांवड़ियों के खिलाफ आपत्तिजनक बयान का विरोध
सनातन धार्मिक भावना को आहत करने का आरोप
आवास पर गंगाजल डालकर बुद्धि शुद्धिकरण करने का किया था आह्वाहन
पुलिस ने नेताओं,… pic.twitter.com/V603AS8KoH
— News1India (@News1IndiaTweet) July 24, 2025
غور طلب ہے کہ حال ہی میں سوامی پرساد موریہ نے کانوڑیوں پر تبصرہ کیا تھا جس میں انہوں نے کہا تھا کہ کانوڑیوں کے بھیس میں غنڈے اور مافیا فساد کر رہے ہیں۔ ان لوگوں کو حکومت کی طرف سے تحفظ حاصل ہے۔ آج کے احتجاج پر ان کا کہنا تھا کہ وہ لوگ خود بھی ناپاک ہیں اور ان کا دماغ بھی ناپاک ہے، وہ ہمارے گھر کو کیسے پاک کریں گے۔
ہمیں فالو کریں
