[]
نئی دہلی: سکھوں نے یکساں سیول کوڈ پر حکومت سے بات چیت کرنے 11رکنی کمیٹی تشکیل دی ہے تاکہ سکھ فرقہ کے حقوق اور رسم و رواج سے چھیڑچھاڑ نہ ہو۔
صدر دہلی سکھ گردوارہ مینجمنٹ کمیٹی ہرمیت سنگھ کالکا نے کہا کہ مرکزی حکومت نے یکساں سیول کوڈ کا مسودہ ابھی تک جاری نہیں کیا ہے لہٰذا اس کی مخالفت یا تائید کا فیصلہ نہیں کیا جاسکتا۔
انہوں نے گردوارہ رکاب گنج میں سکھ کانکلیو کے بعد پریس کانفرنس سے خطاب میں کہا کہ مرکزی حکومت سے بات چیت کرنے 11 رکنی کمیٹی تشکیل دی گئی ہے۔
13ریاستوں سے تعلق رکھنے والے سکھوں بشمول سابق ججس اور بیوروکریٹس نے سکھ کانکلیو میں حصہ لیا۔
