ڈاکٹر شرما کے مطابق، ’’یہ قدم دہلی حکومت کی طرف سے فضائی معیار کو بہتر بنانے کی مہم کا حصہ ہے۔ اب اصولوں کی خلاف ورزی برداشت نہیں کی جائے گی۔ جن لوگوں کے پاس پرانی گاڑیاں ہیں، وہ فوری طور پر متبادل انتظام کریں، ورنہ ان کی گاڑیاں ضبط کر لی جائیں گی۔‘‘
انہوں نے مزید بتایا کہ دہلی کے اہم ہائی ویز پر پہلے ہی اے این پی آر کیمرے نصب کیے جا چکے ہیں، جو باہر سے آنے والی پرانی گاڑیوں کی شناخت کر رہے ہیں۔ یہ جدید ٹیکنالوجی بغیر انسانی مداخلت کے نمبر پلیٹ اسکین کر کے متعلقہ گاڑی کے رجسٹریشن اور عمر کی مکمل تفصیل حاصل کرنے کی صلاحیت رکھتی ہے۔
