انہوں نے سوال اٹھایا کہ وزیر اعظم مودی گزشتہ 10 برسوں سے بار بار انہی پروجیکٹس کا افتتاح کر رہے ہیں جن کی بنیاد کانگریس حکومت میں پڑی۔ انہوں نے کہا کہ موجودہ حکومت اپنی کامیابیوں کی جھوٹی تشہیر کرتی ہے لیکن وہ تسلیم کرنے کو تیار نہیں کہ ترقیاتی منصوبوں میں حکومتی تسلسل کا بڑا کردار ہوتا ہے۔
جے رام رمیش نے یہ بھی کہا کہ حکومت کو چاہئے کہ سابق حکومتوں کے کاموں کو تسلیم کرے اور انہیں آگے بڑھانے پر شفافیت اور ایمانداری کا مظاہرہ کرے۔
