ڈاکٹر عسیری نے بتایا کہ اس سال حج کے دوران بستروں کی گنجائش میں 60 فیصد اضافہ کیا گیا ہے، یہ 3100 سے زیادہ بستروں تک پہنچ گئی ہے۔ اس کے ساتھ فیلڈ سہولیات بھی فراہم کی جا رہی ہیں۔ یہ سہولت مشاعر مقدسہ میں بستروں کی تاریخ میں سب سے زیادہ ہے۔ اس سال صحت کے عملے کی تعداد بھی صحت کے نظام کی حج سیزن میں شرکت کی تاریخ میں سب سے زیادہ ہے۔ صحت کے عملے کی تعداد 50,000 افراد تک پہنچ گئی ہے۔
فیلڈ سروسز کو بھی وسعت دی گئی ہے جہاں تین نئے فیلڈ ہسپتال شروع کیے گئے ہیں۔ ان کی گنجائش 1200 بستروں سے زیادہ ہے۔ یہ نیشنل گارڈ کی وزارت، وزارت دفاع اور وزارت داخلہ کے اشتراک سے کیا گیا ہے۔ ان کا مقصد معمول کی خدمات فراہم کرنا نہیں ہے بلکہ اگر معمول کی سہولیات میں گنجائش ایک خاص حد سے بڑھ جائے تو ان فیلڈ ہسپتالوں کو استعمال کیا جا سکے گا۔
