ای پی ایف او 3.0 کا آغاز:
حکومت ای ایمپلائز پروویڈنٹ فنڈ آرگنائزیشن (ای پی ایف او) کا نیا ورژن ای پی ایف او 3.0 یکم جون سے لانچ کرنے کی تیاری میں ہے۔ اس نئے نظام کے تحت پی ایف نکاسی کا عمل آسان ہو جائے گا۔ صارفین اے ٹی ایم اور یو پی آئی کے ذریعے بھی پیسے نکال سکیں گے۔ اس نظام سے ملک کے 9 کروڑ سے زائد افراد مستفید ہوں گے۔
آدھار اپڈیٹ مفت سروس ختم:
یو آئی ڈی اے آئی کی جانب سے آدھار اپڈیٹ کی مفت سہولت 14 جون تک دستیاب ہے۔ اس کے بعد اگر کوئی اپنا آدھار ڈیٹا اپڈیٹ کرانا چاہے گا تو اسے 50 روپے فیس ادا کرنی ہوگی۔ اس لیے صارفین کو مشورہ ہے کہ وہ مقررہ مدت سے پہلے ہی اپنی تفصیلات اپڈیٹ کرا لیں۔
