’نیٹ پیپر لیک‘ کے خلاف راہل گاندھی کوٹہ، الٰہ آباد، پٹنہ اور دہلی میں بلند کریں گے آواز، اسٹوڈنٹ کنونشن کی تاریخوں کا اعلان

کانگریس کا کہنا ہے کہ یہ مہم ان لاکھوں نوجوان ہندوستانیوں کی مشکلات کو سامنے لائے گی، جن کا مستقبل پیپر لیک، بدعنوان تعلیمی نظام کی بھینٹ چڑھ رہا ہے۔ اس مہم کے تحت این ایس یو آئی، یوتھ کانگریس اور کانگریس کی علاقائی تنظیمیں پورے ملک میں راہل گاندھی کی اپیل کو دہرائیں گی۔ پارٹی نے عزم ظاہر کرتے ہوئے کہا کہ ’’ہم ہندوستانی نوجوانوں کی امیدوں کو بدعنوانی کی نذر نہیں ہونے دیں گے۔ مودی حکومت کو جوابدہی طے کرنی ہوگی۔ دھرمیندر پردھان کو وزارتی عہدہ سے استعفیٰ دینا ہوگا۔‘‘