[]
بنگلور _ 13 ستمبر ( اردولیکس ڈیسک) کرناٹک پولیس نے ایک ہندی نیوز چینل آج تک اور اس کے کنسلٹنگ ایڈیٹر سدھیر چودھری کے خلاف اقلیتوں کے لیے ریاستی حکومت کی تجارتی گاڑیوں کی سبسڈی اسکیم کے بارے میں غلط معلومات پھیلانے کے الزام میں ایف آئی آر درج کی ہے۔
ایف آئی آر چینل اور اس کے کنسلٹنگ ایڈیٹر کے خلاف تعزیرات ہند کی دفعہ 505 (عوامی فساد کو ہوا دینے والے بیانات) اور 153 اے (مذہب، نسل، جائے پیدائش، رہائش کی بنیاد پر مختلف گروہوں کے درمیان دشمنی کو فروغ دینا) کے تحت درج کی گئی تھی۔ پولیس نے بتایا کہ کرناٹک اقلیتی ترقیاتی کارپوریشن (کے ایم ڈی سی) کے اسسٹنٹ ایڈمنسٹریٹر شیوکمار نے شیشادری پورم پولیس اسٹیشن میں شکایت کی۔
شکایت کنندہ نے کنسلٹنگ ایڈیٹر پر کارپوریشن کے ذریعہ پیش کردہ اسکیم کے بارے میں جھوٹی خبریں پھیلانے اور ریاست میں فرقہ وارانہ ہم آہنگی کو بگاڑنے کی کوشش کرنے کا الزام لگایا۔
ایف آئی آر پر ردعمل ظاہر کرتے ہوئے آج تک چینل کے کنسلٹنگ ایڈیٹر سدھیر چودھری نے کہا کہ وہ عدالت میں اس کا مقابلہ کرنے کے لیے تیار ہیں۔ کرناٹک میں کانگریس حکومت کی طرف سے میرے خلاف ایف آئی آر کی اطلاع ملی۔ سوال کا جواب ایف آئی آر ہے؟ وہ بھی غیر ضمانتی دفعہ کے ساتھ۔ یعنی گرفتاری کی مکمل تیاری۔ میرا سوال تھا کہ ہندو برادری کو اس طرح کی اسکیم میں شامل کیوں نہیں کیا گیا؟ میں بھی اس لڑائی کے لیے تیار ہوں۔
कर्नाटक में कांग्रेस सरकार द्वारा मेरे ख़िलाफ़ FIR की जानकारी मिली।
सवाल का जवाब FIR ?
वो भी ग़ैर ज़मानती धाराओं के साथ।
यानी गिरफ़्तारी की पूरी तैयारी
मेरा सवाल ये था कि स्वावलंबी सारथी योजना में हिंदू समुदाय शामिल क्यों नहीं है ?
इस लड़ाई के लिए भी मैं तैयार हूँ।
अब अदालत… https://t.co/3loIh9rGNh— Sudhir Chaudhary (@sudhirchaudhary) September 12, 2023
