واشنگٹن: فلوریڈا اسٹیٹ یونیورسٹی میں جمعرات کے روز پیش آنے والے فائرنگ کے افسوسناک واقعے میں دو افراد جان سے ہاتھ دھو بیٹھے جبکہ کم از کم پانچ افراد زخمی ہو گئے۔ واقعے کے بعد یونیورسٹی کیمپس میں خوف و ہراس کی فضا پھیل گئی اور طلبہ و اساتذہ کو محفوظ مقامات پر منتقل ہونے کی ہدایت جاری کی گئی۔
یونیورسٹی نے جمعرات دوپہر کو اپنے کیمپس میں ایک ’ایکٹو شوٹر‘ کی موجودگی کی اطلاع دیتے ہوئے ایمرجنسی الرٹ جاری کیا۔ الرٹ ملتے ہی پولیس، ایمبولینس، فائر بریگیڈ اور دیگر سکیورٹی ایجنسیاں فوری طور پر یونیورسٹی پہنچ گئیں اور علاقے کو گھیرے میں لے لیا۔
