اس اجلاس میں ’سمویدھان بچاؤ راشٹریہ پدیاترا‘ کے آغاز کا بھی اعلان کیا گیا ہے، جو 26 جنوری 2025 کو شروع ہو چکی ہے اور اگلے سال یومِ جمہوریہ یعنی 26 جنوری 2026 تک جاری رہے گی۔ اس کا مقصد آئین اور جمہوری اقدار کو عوام تک لے جانا ہے۔
اجلاس کے دوسرے دن اہم قراردادوں کی منظوری اور آئندہ سیاسی حکمت عملی پر تبادلہ خیال متوقع ہے۔ ساتھ ہی پارٹی تنظیم کو مضبوط بنانے، ریاستی یونٹوں کے درمیان تال میل بہتر کرنے، اور ممکنہ اتحادوں پر بھی گفتگو کی جا رہی ہے۔
