عید و تہوار فرقہ وارانہ ہمہ آہنگی ، قومی یکجہتی کے فروغ میں معاون
عید ملاپ باہمی تبادلے خیالات ، مسرت و شادمانی کا ایک خوبصورت گلدستہ
نوید اقبال کی جانب سے عید ملاپ تقریب کا انعقاد معززین شہر کی شرکت
نظام آباد 2/ اپریل (اردو لیکس)
عید و تہوار فرقہ وارانہ ہمہ آہنگی, قومی یکجہتی کو فروغ دینے ، باہمی تبادلے خیالات ، مسرت و شادمانی کا ایک خوبصورت گلدستہ کا نمونہ پیش کرتے ہیں ان خیالات کا اظہار معززین شہر کے شرکاء نے جناب نوید اقبال صدر ضلع سیل بی آر ایس پارٹی کی رہائش گاہ واقع محلہ پھولانگ نظام آباد
پر منعقدہ عید ملاپ تقریب میں شرکت کرتے ہوئے کیا اس عید ملاپ تقریب میں شرکت کرنے والے معززین بردارن وطن میں قابل ذکر سابقہ چئیرمین تلنگانہ میڈیکل کونسل ڈاکٹر اے رویندر ریڈی ، چئیرمین با پوجی۔ واچنالیہ کمیٹی نظام آباد بھکتاو تسلم ڈلی ، ونود کمار سابقہ ڈائریکٹر ایس سی کارپوریشن ،سابقہ کارپوریٹر سوری، ڈاکٹر لکشمن ، کے جگن سابقہ چئیرمین کنٹیشور مندر نظام آباد ,انوپ مورے سابقہ چئیرمین پوچما مندر نرمل، شامل ہیں جبکہ مسلم معززین میں کارنامہ حیات ایوارڈ یافتہ سینئر جرنلسٹ احمد علی خاں ، محمد یوسف الدین خان ایڈیٹر نیوز اینڈ ویوز میڈیا سرویس ، شیخ علی صابری صدر فیض العلوم سوسائٹی ، خواجہ معین الدین صدر ایم آر پی ایس ، ایم اے علیم موظف ملازم میونسپل کارپوریشن نظام آباد ، مرزا واصل بیگ، محمد عارف الدین، جاوید خان ، امجد خان ، مجید خان بلڈر ، کاشف احمر انجنیئر ،محمد عفان اسجد، سید محمود بھائی ، محمد فضل خاں ، محمد عبدالرحیم
امیر الدین ، ایم اے رفیع ، محمد بصیر، کے علاوہ دیگر شامل ہیں اس عید ملاپ کے موقع پر شرکت کرنے والے معززین کی شیر خورمہ ، کے ساتھ تواضع کی گئی علاوہ ازیں بردارن وطن کے تمام معززین کی شالپوشی کے ذریعے تہنت پیش کی گئی ریاستی تلنگانہ اردو اکیڈمی کارنامہ حیات یافتہ ایوارڈ سینئر جرنلسٹ احمد علی خان اور محمد یوسف الدین خان ایڈیٹر نیوز اینڈ ویوز میڈیا سرویس کو بھی شالپوشی کے ذریعے تہنت پیش کی گئی عید ملاپ کے موقع برادران وطن نے
شرکاء محفل سے بغلگیر ہوتے ہوئے عید الفطر کی مبارکباد پیش کی جو گنگا جمنی تہذیب کا عملی نمونہ پیش کررہی تھی نوید اقبال نے تمام معززین کا استقبال کیا اور عید ملاپ میں شرکت کرنے پر تمام سے اظہار تشکر کیا
یہاں اس بات کا ذکر بے محل نہ ہوگا کے نوید اقبال کی جانب ہر سال
برادران وطن کو عید کی خوشیوں میں شامل کرنے ہندو مسلم اتحاد کے فروغ کے لئے پابندی کیساتھ عید ملاپ تقریب کا اہتمام کرتے آرہے علاوہ ازیں وہ گنیش نمر جن کے موقع پر رعیتو بازار نزد پھولانگ چوراہا پر خصوصی پنڈال میں بھکتوں میں پانی ، فروٹس کا نظم بھی کیا کرتے ہیں ان کے اس مثالی اقدام سے بردارن وطن خوب ستائش کرتے ہیں
