مہر نیوز ایجنسی کے مطابق، امریکی کامرس ڈیپارٹمنٹ کے ایک بیان میں کہا گیا ہے کہ چین کے معروف کلاؤڈ کمپیوٹنگ اور ہیوی ڈیٹا سروس فراہم کرنے والے ادارے Inspur گروپ کے چھ ذیلی اداروں اور درجنوں دیگر چینی کمپنیوں کو اپنی برآمدی پابندیوں کی فہرست میں شامل کیا ہے۔
بیان میں مزید کہا گیا ہے کہ Inspur یونٹوں کو چینی فوج کے لیے سپر کمپیوٹرز کی ترقی میں تعاون کرنے پر بلیک لسٹ کر دیا گیا ہے جس کے ذیلی اداروں میں سے پانچ چین اور ایک تائیوان میں قائم ہیں۔
رائٹرز کے مطابق، امریکی ایکسپورٹ کنٹرول لسٹ میں شامل ہونے والی تقریباً 80 کمپنیوں اور اداروں میں انسپور یونٹس بھی شامل ہیں جن کی 50 سے زیادہ شاخیں چین میں ہیں جب کہ دیگر تائیوان، ایران، پاکستان، جنوبی افریقہ اور متحدہ عرب امارات میں ہیں۔
پابندیوں کا مقصد چین کی اعلیٰ کارکردگی کی کمپیوٹنگ کی صلاحیتوں، کوانٹم ٹیکنالوجیز اور جدید AI تیار کرنے کی صلاحیت کو محدود کرنا اور چین کے ہائپرسونک ہتھیاروں کے پروگرام کی ترقی میں رکاوٹ ڈالنا ہے۔
امریکہ کے کامرس سیکرٹری ہاورڈ لُٹنِک نے کہا: ہم مخالفین کو اپنی فوجوں کو تقویت دینے اور امریکی جانوں کو خطرے میں ڈالنے کے لیے امریکی ٹیکنالوجی کے استحصال کی اجازت نہیں دیں گے۔”
چین کی وزارت خارجہ نے جواب میں امریکی اقدام کی مذمت کرتے ہوئے کہا کہ ملک چینی کاروباری اداروں کے جائز حقوق اور مفادات کے تحفظ کے لیے ضروری اقدامات کرے گا۔
واضح رہے کہ امریکہ ایران سے ڈرونز اور متعلقہ دفاعی اشیاء کی خریداری میں رکاوٹ ڈالنے اور اس کے بیلسٹک میزائل پروگرام اور جوہری سرگرمیوں کی ترقی کو روکنے کی کوشش کے طور پر پابندیوں کا سہارا لے رہا ہے۔
