[]
دبئی: متحدہ عرب امارات میں دبئی کے ساحل سے دور خلیجی سمندر میں ایئر لائن ایروگلف کا ایک ہیلی کاپٹر حادثہ کا شکار ہو گیا۔
مقامی خبر رساں ایجنسی ڈبلیو اے ایم نے جمعہ کو جنرل سول ایوی ایشن اتھارٹی (جی سی اے اے) کے حوالے سے یہ اطلاع دی۔ یہ واقعہ جمعرات کی رات ایک تربیتی سیشن کے دوران پیش آیا جب بیل 212 ہیلی کاپٹر نے مصر اور جنوبی افریقہ کے دو پائلٹوں کو لے کر المخطوم انٹرنیشنل ایئرپورٹ سے پرواز کی۔
ایمرجنسی سروسز نے ملبہ نکال لیا ہے اور عملہ کے ارکان کی تلاش جاری ہے۔ تحقیقاتی ٹیم جائے وقوع کے لئے روانہ ہو گئی ہے۔
