حیدرآباد۔12 مارچ(پی ٹی آئی) عثمانیہ یونیورسٹی (او یو) کے طلبہ کے ایک گروپ نے یہاں ان کے ہاسٹل میس میں انہیں فراہم کردہ کری (سالن) میں بلیڈ (ریزر) پائی جانے کے بعد شدید احتجاج کیا جبکہ یونیورسٹی حکام نے اس معاملہ کی تحقیقات کیلئے ایک کمیٹی تشکیل دی ہے۔
نیو گوداوری ہاسٹل کے طلبہ منگل کی رات، کیمپس میں فوڈ کنٹینر (برتن) کے ساتھ کیمپس میں جمع ہوگئے اور انصاف کا مطالبہ کرنے لگے۔ احتجاجی طلبہ، واپس چانسلر سے اس معاملہ پر اظہار خیال کرنے کا مطالبہ کررہے تھے۔
طلبہ کے مطابق ہاسٹل میں رات کے کھانے میں جو انہیں سربراہ کیا گیا تھا، بلیڈ نکلی۔ اس معاملہ کی تحقیقات کیلئے ایک کمیٹی تشکیل دی گئی۔ یونیورسٹی حکام نے چہارشنبہ کے روز یہ بات کہی۔
اے بی وی پی کے قائد نے دعویٰ کیا کہ طلبہ کو دئیے جانے والے کھانوں میں کپڑے، چوڑیوں کے تکڑے، اور دھاگے پائے جاتے ہیں۔ قبل ازیں میس ورکرس نے اس بات کی یقین دہانی کرائی تھی کہ اس طرح کے واقعات کا اعادہ نہیں ہوگا مگر اس کے بعد بھی یہ واقعات پیش آرہے ہیں۔
مسلسل شکایتوں کے باوجود یونیورسٹی حکام نے ورکرس کے خلاف سخت، کارروائی نہیں کی ہے۔ احتجاجیوں نے دھرنا کے دوران علامت کے طور پر کری کا برتن اٹھائے ہوئے تھے۔
ہمیں فالو کریں
