[]
حیدرآباد: تلنگانہ اسمبلی کے مجوزہ انتخابات میں بی جے پی ٹکٹ کے خواہشمند امیدواروں سے درخواستیں وصول کرنے کا سلسلہ آج تیسرے روز بھی جاری رہا۔
آج سینئر قائد و سابق مرکزی وزیر پرکاش جاوڈیکر نے درخواستوں کی وصولی کیلئے قائم کردہ خصوصی کاونٹر کا معائنہ کیا۔ درخواست گذاروں کی بڑی تعداد اپنے حامیوں کے ہمراہ درخواست داخل کرنے کیلئے آرہی ہے۔
ابھی تک کوئی بھی اہم قائد نے درخواست داخل کرنے دفتر بی جے پی کا رخ نہیں کیاہے۔ ذرائع ابلاغ میں تجسس پایا جارہا ہے کہ کس حلقہ سے کونسا اہم قائد ٹکٹ کیلئے درخواست دے گا۔
آج حلقہ اسمبلی خیریت آباد سے سابق وزیر اعظم پی وی نرسمہا راؤ کے نبیرہ این وی سبھاش نے ٹکٹ کیلئے درخواست داخل کی ہے۔ ایل بی نگر اسمبلی حلقہ سے بی جے پی مہیلا مورچہ قائد شیاملہ دیوی نے درخواست داخل کی۔
بی جے پی قائدین کے مطابق اب تک صرف دوسرے زمرے کے قائدین کے درمیان ہی ٹکٹ کے لئے مسابقت دیکھی جارہی ہے۔
