حیدرآباد: چیف منسٹر تلنگانہ ریونت ریڈی نے کہا ہے کہ صرف ایک سال کے دوران تلنگانہ میں نمایاں ملکی وغیر ملکی سرمایہ کاری ہوئی ہے اور ریاست روزگارپیداکرنے، سب سے زیادہ اے آئی کو اختیار کرنے اور سب سے کم افراط زر میں سرفہرست ہے۔انہوں نے کہا کہ بعض افرادنے تلنگانہ کو ایک ٹریلین امریکی ڈالر کی جی ڈی پی ریاست بنانے کے ہمارے عزم سے اختلاف کیا۔
انہوں نے حیدرآباد میں ایچ سی ایل ٹیک کے آغاز کے موقع پر کہا کہ گزشتہ دو ڈاوس کے دوروں کے دوران 41,000 کروڑ روپے اور 1.78 لاکھ کروڑ روپے کی یادداشت مفاہمت پر دستخط کرنے کے بعد، ہمارے ہدف کو محسوس کیاگیا۔
اسی طرح جب ہم نے اعلان کیا کہ اس کا مقابلہ ممبئی، دہلی، بنگلورو یا چینائی سے نہیں ہے، تو کچھ نے کہا کہ یہ ایک بڑا خواب تھا۔انہوں نے کہا”ہم نے ای وی کو اپنانے میں حیدرآباد کو نمبر ون بنایا، جو ڈیٹا سنٹرز، گرین انرجی، لائف سائنس، بائیو ٹکنالوجی، اسکل ڈیولپمنٹ، مینوفیکچرنگ اور ایگری پروسیسنگ کا مرکز ہے،”۔
انہوں نے مزید کہا کہ پوری قوم اس حقیقت کو قبول کر رہی ہے کہ حیدرآباد رائزنگ نہیں رکے گا۔ایچ سی ایل ادارہ 2007 میں حیدرآباد میں قائم کیاگیا۔ 3.2 لاکھ مربع فٹ کی نئی عالمی معیارکا مرکز 5000 ملازمتیں فراہم کرے گا۔ انہوں نے مزید کہا کہ حکومت تلنگانہ کی طرح ایچ سی ایل ٹیک حیدرآباد میں بہت اچھا کام کرے گا۔
ہمیں فالو کریں
