ریاض: سوشل میڈیا پر حیران کن ویڈیوز کا وائرل ہونا کوئی نئی بات نہیں، لیکن حال ہی میں ایک ایسی ویڈیو سامنے آئی جس نے ہر کسی کو دنگ کر دیا۔ یہ ویڈیو ایک شاندار شاہی دعوت کی ہے، جہاں مشرق وسطیٰ کے چند شیوخ انتہائی پُرتعیش انداز میں انواع و اقسام کے کھانوں سے لطف اندوز ہو رہے ہیں۔ اچانک ایک غیر متوقع واقعہ پیش آیا جب ایک چیتا دعوت میں بنا کسی دعوت کے پہنچ گیا اور کھانے کی خوشبو سے متاثر ہو کر میز کے قریب آنے لگا۔
ویڈیو میں دیکھا جا سکتا ہے کہ چیتے کی موجودگی کے باوجود شیوخ بالکل بھی خوفزدہ نہیں ہوئے۔ ایسا لگ رہا تھا جیسے انہیں اس طرح کے لمحات کی عادت ہو یا وہ جنگلی جانوروں کے ساتھ وقت گزارنے کے عادی ہوں۔ کچھ لوگ پرسکون انداز میں مسکراتے رہے، جبکہ کچھ نے اپنے موبائل سے اس انوکھے لمحے کو کیمرے میں قید کر لیا۔
یہ ویڈیو دیکھتے ہی دیکھتے وائرل ہو گئی اور صارفین کی مختلف آراء سامنے آئیں۔ کچھ نے اسے شیخوں کی بے پناہ دولت اور ان کے منفرد شوق کا ثبوت قرار دیا، جبکہ کچھ نے اسے ایک خطرناک رجحان قرار دیا۔ مشرق وسطیٰ کے امیر شیوخ کے بارے میں مشہور ہے کہ وہ گھوڑے، اونٹ، شیر، چیتے اور دیگر جنگلی جانوروں کو پالنے کے شوقین ہوتے ہیں۔
یہ ویڈیو اس شاہانہ طرزِ زندگی کی ایک جھلک پیش کرتی ہے، مگر سوال یہ ہے کہ کیا جنگلی جانوروں کے ساتھ اس طرح کا لگاؤ عام بات بن چکا ہے؟
ہمیں فالو کریں
