مہر خبررساں ایجنسی کی رپورٹ کے مطابق، پاکستانی قائم مقام وزیرخارجہ آمنہ بلوچ نے تہران میں سید عباس عراقچی سے ملاقات کی اور دوطرفہ تعلقات اور باہمی تعاون پر تبادلہ خیال کیا۔
ایرانی وزیر خارجہ نے اس ملاقات میں صدر مسعود پزشکیان کی ہمسایہ ممالک کے ساتھ تعلقات کو وسعت دینے کی پالیسی کا ذکر کرتے ہوئے پاکستان کو ایران کی خارجہ پالیسی میں ایک اہم ملک قرار دیا اور دونوں ہمسایہ اور برادر ممالک کے درمیان تعلقات کو مزید گہرا اور مضبوط بنانے کے عزم کا اعادہ کیا۔
عراقچی نے ایران اور پاکستان کے مشترکہ مواقع اور چیلنجز کا ذکر کرتے ہوئے اعلی سطحی سفارتی روابط کو جاری رکھنے، باہمی مشاورت کو مضبوط کرنے اور مشترکہ مفادات کے تحفظ کے لیے ان چیلنجز سے نمٹنے پر زور دیا۔
ملاقات کے دوران پاکستانی قائم مقام وزیر خارجہ نے بھی دونوں ممالک کے درمیان تعلقات کی اہمیت پر روشنی ڈالتے ہوئے کہا کہ پاکستان ایران کے ساتھ تعلقات کو مزید فروغ دینے کے لیے پرعزم ہے۔ انہوں نے سرحدی سیکیورٹی، منشیات کی اسمگلنگ اور غیر قانونی مہاجرت جیسے مسائل پر مشترکہ تعاون پر زور دیا۔
ملاقات کے دوران افغانستان، غزہ، شام اور لبنان سمیت خطے کی تازہ صورتحال پر بھی تبادلہ خیال کیا گیا۔
