تلنگانہ کے سوریہ پیٹ ضلع میں ایک نوجوان کے بیہمانہ قتل کا واقعہ پیش آیا۔ ماملا گڈا سے تعلق رکھنے والے کونڈا کرشنا نامی نوجوان کو نامعلوم افراد نے قتل کر دیا۔ اس کی نعش جنا گام روڈ سے پیلا مرری جانے والے موسیٰ کنال کے کنارے پڑی ملی۔
مقامی لوگوں کی اطلاع پر پولیس موقع پر پہنچی اور ابتدائی تحقیقات میں پتہ چلا کہ قاتلوں نے اسے پتھروں سے مار کر ہلاک کیا۔ پولیس کا کہنا ہے کہ چھ ماہ پہلے کرشنا نے محبت کی شادی کی تھی، اور شبہ ہے کہ یہی وجہ اس کے قتل کا سبب بنی۔
پولیس نے کیس درج کر کے تحقیقات شروع کر دی ہیں۔ وہ یہ جاننے کی کوشش کر رہے ہیں کہ آیا یہ قتل بین المذاہب یا بین الطبقات شادی کی وجہ سے ہوا یا کوئی پرانی دشمنی اس کا سبب بنی۔ مقتول کے گھر والوں سے بھی تفصیلات معلوم کی جا رہی ہیں۔
