دہلی کی خوشحالی کے لیے کانگریس کو ووٹ دیں: یادو

دہلی میں انتخابی ماحول سر چڑھ کر بول رہا ہے اور ہر نئے سیاسی پارہ اوپر ہی جا رہا ہے۔دہلی پردیش کانگریس کے صدر دیویندر یادو نے عوام سے بدعنوان اور عوام دشمن عام آدمی پارٹی (اے اے پی) حکومت کو بدلنے اور ریاست میں خوشحالی کے لئے کانگریس کو اقتدار میں لانے کی اپیل کی ہے۔

بدھ کو صدر بازار اسمبلی حلقہ میں ایک انتخابی ریلی سے خطاب کرتے ہوئے دیویندر  یادو نے کہا کہ اے اے پی کی گزشتہ 11 برسوں کی غلط حکمرانی سے نجات پانے، بدعنوان اور عوام دشمن حکومت کو بدل کر دہلی کے مستقبل کو سنوارنے کا وقت آگیا ہے۔ انہوں نے ریاست کی خوشحالی کے لئے پانچ فروری کوہاتھ کا بٹن دباکر کانگریس کو اقتدار سونپنے کی اپیل کی۔

انہوں نے کہا کہ دہلی ملک کی راجدھانی ہے، جو پورے ملک کو سمت دیتی ہے، لیکن بھارتیہ جنتا پارٹی (بی جے پی) اور اے اے عآپ کے پاپ اور بدعنوانی نے 10 برسوں میں دہلی کو بے سمت بنا دیا ہے۔ بی جے پی اور اے اے پی نے دہلی کی ہوا، دوا، ندی، پانی، نیتا نیت سب خراب کر دیا ہے۔