ممبئی: پولیس نے ایک 17 سالہ نابالغ کو حراست میں لیا ہے جس نے ممبئی کے مضافاتی علاقے شیواجی نگر میں ایک 37 سالہ خاتون کے ساتھ اس وقت عصمت دری کی جب وہ گھر میں اکیلی تھی۔ افسر نے بدھ کو یہ معلومات دی۔
پولیس رپورٹ کے مطابق یہ واقعہ پیر کی شام ساڑھے چار بجے کے قریب پیش آیا۔ متاثرہ ایک گھریلو خاتون ہے۔
اس کا شوہر کام پر گیا ہوا تھا، اور وہ اپنے دو بچوں کے ساتھ گھر کے دروازے کے پاس بیٹھی تھی۔
ملزم جو اس کی حرکات و سکنات پر نظر رکھے ہوئے تھا۔ اس کا پیچھا کیا اور گھر میں داخل ہو کر دروازہ اندر سے بند کر کے چاقو لہرانے لگا۔
اس نے دھمکی دی کہ اگر اس نے احتجاج کیا تو وہ اسے اور اس کے بچوں کو جان سے مار دے گا۔ اس کے بعد اس نے اس پر زبردستی کی اور دروازہ باہر سے بند کرکے موقع سے فرار ہو گیا۔
مدد کے لیے خاتون کی چیخ و پکار سن کر پڑوسیوں نے دروازہ کھولا اور اس کے شوہر اور پولیس کو اطلاع دی۔
خاتون کے بیان کی بنیاد پر مانخورد پولیس اسٹیشن میں زیادتی کا مقدمہ درج کیا گیا ہے اور ملزم کو حراست میں لے کر ڈونگری چائلڈ کوریکشنل ہوم بھیج دیا گیا ہے۔
پولیس نابالغ کے پیدائشی سرٹیفکیٹ اور دیگر دستاویزات کی جانچ کر رہی ہے تاکہ یہ معلوم کیا جا سکے کہ آیا وہ نابالغ ہے یا نہیں۔
عمر کی تصدیق کی بنیاد پر مزید کاروائی کی جائے گی۔
ہمیں فالو کریں
