پٹنہ: ان دنوں انٹرنیٹ پر ایک ویڈیو تیزی سے وائرل ہو رہی ہے، جس میں گلابی ٹوائلٹ کو گروسری شاپ میں تبدیل کر دیا گیا ہے۔ یہ ویڈیو بہار کی دارالحکومت پٹنہ کا بتایا جا رہا ہے۔ عام طور پر گلابی ٹوائلٹ خواتین کے لیے بنائے جاتے ہیں لیکن یہاں چپس، کرکورے اور دیگر چیزیں فروخت کی جارہی ہے۔
کچھ لوگ اس وائرل ویڈیو کو دیکھ کر حیرت زدہ ہوگئے ساتھ ہی کچھ لوگ کہہ رہے ہیں کہ بہار میں کچھ بھی ممکن ہے۔
ویڈیو میں گلابی ٹوائلٹ کو مکمل طور پر گروسری اسٹور کی طرح استعمال کیا جا رہا ہے۔ یہاں کرکورے، چپس، بسکٹ اور کولڈ ڈرنکس جیسی اشیاء فروخت ہوتی نظر آرہی ہیں۔ ٹوائلٹ کے دروازے پر ‘پنک ٹوائلٹ’ کے الفاظ واضح طور پر لکھے ہوئے دیکھے جا سکتے ہیں، لیکن اندر کا منظر کچھ اور ہی کہانی سناتا ہے۔
جیسے ہی یہ ویڈیو وائرل ہوا، لوگوں نے اس پر شدید ردعمل کا اظہار کیا۔ ایک نے تبصرہ کرتے ہوئے کہا بہار میں کچھ بھی ممکن ہے۔
کئی لوگوں نے اسے لاپرواہی قرار دیتے ہوئے مناسب کارروائی کا مطالبہ کیا ہے۔ گلابی بیت الخلاء خواتین کی سہولت کے لیے بنائے گئے ہیں تاکہ وہ عوامی مقامات پر صاف اور محفوظ بیت الخلاء استعمال کر سکیں لیکن اس ویڈیو نے سوال اٹھائے ہیں کہ کیا یہ بیت الخلاء اپنی حقیقی افادیت کھو چکے ہیں؟
ہمیں فالو کریں
