تلنگانہ کے ضلع جگتیال میں جمعہ کے روز ایک شدید سڑک حادثہ پیش آیا۔ جگتیال-دھرماپوری قومی شاہراہ پر تکلپلی کے قریب دو بائیکس آپس میں ٹکرا گئیں، جس کے نتیجے میں تین افراد ہلاک ہو گئے۔
مرنے والوں میں سے دو کا تعلق جگتیال منڈل کے ضابطہ پور گاؤں سے ہے جن کی شناخت سائی اور اروند کی حیثیت سے ہوئی ہے، جبکہ تیسرے شخص کی شناخت میڈی پلی منڈل کے کونڈا پور گاؤں کے رہائشی ومشی کے طور پر ہوئی ہے۔
اس حادثے کی وجہ سے علاقے میں گہرے غم کی لہر دوڑ گئی۔ پولیس اس واقعے کی مزید تفتیش کر رہی ہے اور مکمل تفصیلات کا انتظار ہے۔
