ریاض ۔ کے این واصف
سعودی ولی عہد شہزادہ محمد بن سلمان بن عبدالعزیز نے با اثر عرب رہنما کا اعزاز چوتھی مرتبہ حاصل کرلیا ہے۔سبق ویب سائٹ کے مطابق روسی چینل “RT” کے سروے میں بااثر عرب رہنما کا انتخاب کیا گیا ہے جس میں عوام کی اکثریت نے ولی عہد شہزادہ محمد بن سلمان کو موثر عرب قائد قرار دیا ہے۔
سروے میں کل 31166 افراد نے حصہ ڈالا جن میں سے 16998 ووٹ شہزادہ محمد بن سلمان کو دیے گئے ہیں۔مسلسل چوتھے سال اس اعزاز کو برقرار رکھنا شہزادہ محمد بن سلمان کی علاقائی اور عالمی سطح پر نمایاں کردار اور سعودی عرب
میں ترقی اور اصلاحات کے لیے ان کے غیرمعمولی اثر و رسوخ کو اجاگر کرتا ہے۔
