[]
نئی دہلی: پاکستان کے صوبہ پنجاب میں قرآن مجید کی بے حرمتی کے بعد برہم ہجوم نے کم از کم 6 گرجا گھروں کو آگ لگا دی اور عیسائیوں کے املاک پر بھی حملے کیے گئے۔ یہ واقعہ لاہور سے 130 کلومیٹر دور پنجاب کے فیصل آباد ضلع کی تحصیل جڑانوالا میں پیش آیا۔
پاکستانی میڈیا کے مطابق یہ واقعہ اس وقت پیش آیا جب عیسائی شخص اور اس کی بہن نے مبینہ طور پر قرآن مجید کی بے حرمتی کی۔ قرآن پاک کی بےحرمتی کی اطلاعات سوشل میڈیا پر گردش کرنے لگیں جس کے نتیجے میں صبح نو بجے کے قریب مشتعل افراد سنیما چوک کے پاس اکٹھے ہونے لگے۔
فیصل آباد کی تحصیل جڑانوالہ میں قرآن کی مبینہ بے حرمتی کے واقعے کے بعد مشتعل ہجوم نے مسیحی آبادی پر دھاوا بول کر متعدد گرجا گھروں کو نذرِ آتش کر دیا ہے جبکہ کرسچن کالونی کے علاوہ سرکاری عمارتوں میں توڑ پھوڑ بھی کی گئی ہے۔
پولیس کی جانب سے دو مسیحی نوجوانوں کے خلاف قرآن کی بےحرمتی اور توہینِ رسالت کے الزامات کے تحت مقدمہ درج کیا گیا ہے۔فیصل آباد پولیس کی جانب سے ٹوئٹر پر جاری پیغام میں جڑانوالہ کے شہریوں کو مخاطب کر کے کہا گیا ہے کہ ’قرآن پاک کی بےحرمتی کرنے والوں کے خلاف سٹی تھانہ جڑانوالہ میں مقدمہ درج ہو چکا ہے اس لیے احتجاجی اشتعال انگیزی اور توڑ پھوڑ سے گریز کریں‘
صورتحال کو قابو میں لانے کے لیے پاکستانی رینجرس کو طلب کر لیا گیا ہے۔ اس دوران پاکستان کے نو منتخب نگران وزیراعظم انوار الحق کاکڑ نے تشدد پر افسوس کا اظہار کیا اور اپنے ٹویٹر پر پیغام میں کہا کہ فیصل آباد سے جو تصویریں سامنے آرہی ہیں وہ بہت مایوس کن ہیں۔
انہوں نے کہا کہ قانون کی خلاف ورزی کرنے والوں اور اقلیتوں کو نشانہ بنانے والوں کے خلاف سخت کاروائی کی جائے گی۔ چرچ آف پاکستان کے صدر بشپ ازاد مارشل نے کہا ہے کہ ایک چرچ کی عمارت جلائی گئی بائبل کی بے حرمتی کی گئی اور عیسائیوں پر جھوٹا الزام عائد کرتے ہوئے ان پر ظلم کیا گیا ہے۔
Unacceptable.
A church destroyed by a mob in Faisalabad, one of Pakistan’s most affluent cities.
Nations which don’t protect their weakest are destined for weakness. https://t.co/G2bQrTRH9J
— Wajahat S. Khan (@WajSKhan) August 16, 2023
This is the 3rd church burned today. Mob is heading to the 4th church in Faisalabad. Christian community SOS today #Pakistan pic.twitter.com/IJcANh9sUS
— Sara Taseer (@sarataseer) August 16, 2023
Pakistan: ‘Sar Tan Se Juda’ slogan raised while burning Church.
Divided by Boundary, United By ???? pic.twitter.com/n647ftdXKH
— Facts (@BefittingFacts) August 16, 2023
جڑانوالہ کے شہریوں کو اطلاع دی جاتی ہے کہ قرآن پاک کی بے حرمتی کرنے والوں کیخلاف سٹی جرانوالہ میں مقدمہ درج ہوچکا ہے، ایف آئی آر بجرم 1258 جس کی سزا عمر قید یا سزائے موت ہے۔اشتعال انگیزی توڑ پھوڑ سے گریز کریں#Faisalabad #Jaranwala #Quran #FaisalabadTV #FSDTV41 #Police #Rangers pic.twitter.com/53VMVaLNEH
— Faisalabad TV (@FSDTv41) August 16, 2023
