سنبھل: اتر پردیش کے سنبھل میں جامع مسجد کے قریب پولیس چوکی کی تعمیر کا آغاز ہو گیا ہے۔ جمعہ کو نماز کے بعد پولیس محکمے نے جامع مسجد کے پاس خالی میدان کی پیمائش کی اور چونے سے نشانات لگائے۔
سنبھل کے اے ایس پی شریش چندر نے کہا کہ علاقے کی حساسیت اور سکیورٹی کو مدنظر رکھتے ہوئے یہاں ایک مستقل پولیس چوکی بنائی جا رہی ہے۔ یہ چوکی پولیس اہلکاروں کے قیام اور سکیورٹی کے بہتر انتظامات کے لیے اہم ثابت ہوگی۔
