کانگریس آج بیلگاوی میں اپنی توسیعی ورکنگ کمیٹی کا اجلاس منعقد کر رہی ہے، جسے ’نو ستیہ گرہ اجلاس‘ کا نام دیا گیا ہے۔ یہ اجلاس 1924 کے تاریخی کانگریس اجلاس کی یاد میں ہو رہا ہے، جب مہاتما گاندھی کو بیلگاوی میں کانگریس کا صدر منتخب کیا گیا تھا۔
پارٹی کے جنرل سیکریٹری جے رام رمیش نے سوشل میڈیا پلیٹ فارم ’ایکس‘ پر لکھا کہ مہاتما گاندھی نے 100 سال پہلے، 26 دسمبر 1924 کو بیلگاوی میں کانگریس صدر کے طور پر عہدہ سنبھالا تھا۔ آج کانگریس اسی مقام پر گاندھی جی کی میراث کو محفوظ رکھنے کے عزم کے ساتھ نو ستیہ گرہ اجلاس منعقد کر رہی ہے۔
