علامہ علی رضا رضوی (لندن) نے کی فقیہ محقق آیت اللہ سیفی مازندرانی سے ملاقات :
قم المقدسہ ایران
18 دسمبر
مجلس علمائے شیعہ یورپ کے محترم اور معروف خطیب علامہ سید علی رضا رضوی صاحب قبلہ نے فقیہ محقق و مجاھد حضرت آیت اللہ علی اکبر سیفی مازندرانی سے اپنے سف
ر ایران کے دوران ملاقات کی
مولانا موصوف نے یورپ کے حالات اور بین الاقوامی سطح پر ایک اسلامی اسکالر کی حیثیت سے اپنی مختلف خدمات کا ذکر کیا نیز غیر اسلامی ممالک میں مسلمانوں کی مذھبی تعلیمات سے دوری کی بات کہی اور ایسے میں ایک مبلغ ہونے کی حیثیت سے بیرون ملک میں مقیم تمام
مبلغین کی زحمتوں کا ذکر کیا
مولانا موصوف نے حضرت آیت اللہ سیفی سے پہلی بار ملاقات کا ذکر کرتے ہوئے انتہائی خوشی کا اظھار کیا اور کہا کہ حوزہ علمیہ قم میں ایسی نایاب شخصیت جس نے ایک سو ساٹھ سے زیادہ تحقیقی کتابیں لکھی ہوں اور انتہائی متانت و سنجیدگی سے مکتب اھلبیت کا دفاع کیا ہو نعمت الہی ہے جس کی قدر لازم ہے
مولانا نے روزمرہ کے مسائل پر تحقیقی کتابوں کی ورق گردانی کرتے ہوئے کہا کہ غیر اسلامی ممالک میں پیش انے والے تمام اہم سوالات کے جوابات حاصل کرنے کے لئے مبلغین کرام کو چاہئے کہ آیت اللہ سیفی کی کتابوں کا مطالعہ کریں
ملاقات کے آخری لمحوں میں آیت اللہ سیفی مازندرانی نے مولانا موصوف کی تشریف آوری پر خوشی کا اظہار کرتے ہوئے ان کی علمی عملی خدمات کے مد نظر انکے حق میں دعائے خیر کی اور اپنی جانب سے انھیں اجازہ پیش کیا۔
اس موقع پر ھندوستان کے نمائندے مولانا سید شفیع حیدر کے ساتھ مولانا سید منہال رضوی اور مولانا سید امیر حسن بھی موجود تھے
