[]
سعودی عرب: اونٹ ایک ایسا جانور ہے جو عام طور پر صحرائی علاقوں میں پایاجاتا ہے۔ سعودی عرب میں اونٹ کثیر تعداد میں پائے جاتے ہیں، وہاں اونٹو ں کی ریس کا بھی انعقاد کیا جاتا ہے۔
ریس اور روزمرہ زندگی کے مختلف امور میں استعمال کئے جانے کے باعث اونٹوں اور اونٹنیوں کے مالکان ان کی خاص دیکھ بھال کرتے ہیں جس کے باعث دونوں میں قربت بڑھ جاتی ہے۔
ایک ویڈیو سوشل میڈیا پر وائرل ہورہا ہے جس میں دیکھا جاسکتا ہے کہ سعودی عرب میں رات کے وقت مالک سو رہا ہے، اسی دوران اونٹنی آ کر اپنی گردن مالک کے جسم پر رکھ دیتی ہے جس سے مالک بیدار ہوجاتا ہے۔
اپنے جانور کو دیکھ کر مالک خوشی کا اظہار کرتا ہے اور اس کی گردن سہلانے لگتا ہے۔
سوشل میڈیا صارفین کی جانب سے اونٹنی کے مالک کے عمل کو سراہا جارہا ہے، کیونکہ نیند میں خلل ڈالنے کے باوجود مالک اپنی اونٹنی سے خفا نہیں ہوا بلکہ اسے پیار کرنے لگا۔
