پلوامہ میں شہید جوانوں کی بیویوں کے ’منگل سوتر‘ کس نے چھینے؟ ڈمپل یادو کا بی جے پی سے سوال

مین پوری سے انڈیا اتحاد کی امیدوار ڈمپل یادو نے کہا کہ پیپر لیک ایک سوچی سمجھی سازش کے تحت ہوا ہے۔ وہ اس ریزرویشن کو ہٹانا چاہتے ہیں جو نوکریوں کی ضمن میں دیا گیا ہے۔ انہوں نے لوگوں سے اپیل کی کہ ایسی حکومت کو ریاست اور ملک سے ہٹا دو جس نے تمہارے مستقبل سے کھلواڑ کیا ہے۔ ڈمپل یادو نے پی ایم مودی و سی ایم یوگی پر طنز کرتے ہوئے کہا کہ وہ لوگ بھلا خاندان والوں کی ذمہ داریاں کیا سمجھیں گے جن کا کوئی خاندان نہیں ہے۔ انہوں نے مزید کہا کہ مودی نے اچھے دن اور 15 لاکھ کا وعدہ کیا تھا، بتایئے کیا ہوا ان وعدوں کا؟