[]
ترنمول کانگریس کے سخت رخ اور انتخابی کمیشن کے مشورہ کے بعد جمعرات کو ایک بیان میں گورنر آنندا بوس نے کہا کہ وہ نہیں چاہتے کہ ان کے دفتر کے وقار کو کسی طرح سے ٹھیس پہنچے اور کوئی بھی انھیں کسی بھی سیاسی کھیل میں مہرے کی طرح استعمال کرے۔ اس لیے انھوں نے اپنا دورہ منسوخ کرنے کا فیصلہ کیا۔ ساتھ ہی گورنر نے کہا کہ انھوں نے کوچ بہار جانے کا فیصلہ اس لیے کیا تھا تاکہ وہ ووٹ کے دن لوگوں کے ساتھ رہنا چاہتے تھے۔ لیکن انھوں نے دیکھا کہ ان کے ارادے پر سیاست کی جا رہی ہے۔ حالانکہ آئینی التزامات کے مطابق کوئی بھی گورنر کو کسی جگہ جانے سے نہیں روک سکتا۔
