[]
اس سے قبل اوپنر روہت شرما 49 رنز، ایشان کشن 42 رنز اور پھر آخری اوورز میں ٹم ڈیوڈ کے ناٹ آؤٹ 45 رنز اور روماریو شیفرڈ کے ناٹ آؤٹ 39 رنز کی بدولت ممبئی انڈینز نے دہلی کیپٹلز کو جیت کے لیے 235 رنز کا ہدف دیا تھا۔
آج وانکھیڑے اسٹیڈیم میں دہلی کیپٹلز کے کپتان رشبھ پنت نے ٹاس جیت کر پہلے گیند بازی کرنے کا فیصلہ کیا۔ ممبئی انڈینز کی اوپننگ جوڑی روہت شرما اور ایشان کشن جو کہ بلے بازی کے لیے آئے، نے شاندار آغاز کیا اور پہلی وکٹ کے لیے 80 رنز جوڑے۔ روہت شرما نے 27 گیندوں میں چھ چوکوں اور تین چھکوں کی مدد سے 49 رنز کی اننگز کھیلی۔ تاہم وہ ایک رن سے اپنی نصف سنچری سے چک گئے۔ وہ اکشر پٹیل کے ہاتھوں بولڈ آؤٹ ہوئے۔
