دمشق میں ایرانی سفارت خانے پر حملہ، پوری دنیا میں صہیونی مراکز کی سیکورٹی ہائی الرٹ

مہر خبررساں ایجنسی کے مطابق، صہیونی چینل 12 نے اپنی رپورٹ میں کہا ہے کہ صہیونی حکومت نے دمشق میں ایرانی سفارت خانے پر حملے کے بعد دنیا بھر میں سفارتی عملے کی سیکورٹی ہائی الرٹ کردی ہے۔

شام کے دارالحکومت دمشق میں ایرانی سفارت خانے کے قونصل سیکشن پر صہیونی فضائیہ نے میزائل حملہ کرکے سپاہ پاسداران انقلاب اسلامی کے اعلی اہلکاروں کو شہید کردیا تھا۔

شام میں ایرانی سفیر حسین اکبری نے ایران قونصل خانے پر صہیونی حملے میں پانچ سے سات افراد کی شہادت کی تصدیق کی ہے۔

انہوں نے کہا ہے کہ اسرائیلی ایف 35 طیارے نے ایرانی سفارت خانے پر 6 میزائل داغے ہیں۔