[]
ترواننت پورم: مشہور عالم دین‘ ماہر تعلیم اور کوہیکوڈ پالیم جامع مسجد کے امام حسین مداؤر نے مسلمانوں سے پرزور اپیل کی ہے کہ وہ 26 اپریل کو ووٹ ڈالنا یقینی بنائیں چاہے اس کے لئے انہیں عمرہ یا چھٹیا ں گزارنے کے لئے کہیں جانے کا پروگرام ملتوی کرنا کیوں نہ پڑے۔
انہوں نے مسجد میں خطاب میں نشاندہی کی کہ آنے والا لوک سبھا الیکشن تمام سیکولر افراد کے لئے بے حد اہم اور فیصلہ کن ہے۔
انہوں نے کہا کہ ملک کا مستقبل چونکہ الیکشن کے ذریعہ طئے ہوتا ہے‘ اقلیتی فرقہ کے لئے اس کی بڑی اہمیت ہے۔
عمرہ یا تفریح کے لئے کہیں جانے کا منصوبہ بناچکے افراد کو چاہئے کہ وہ اسے ملتوی کردیں اور یقینی بنائیں کہ 26 اپریل کو سبھی افراد ووٹ ڈالیں۔
انہوں نے کہا کہ جمہوریت میں سب سے بڑا ہتھیار ووٹ ہوتا ہے۔ کیرالا کی 3کروڑ 30 لاکھ کی آبادی میں مسلمان تقریباً 24 فیصد ہیں۔
ہمیں فالو کریں
