[]
مہر خبررساں ایجنسی نے الجزیرہ نیوز کے حوالے سے بتایا ہے کہ غزہ جنگ کے 175ویں روز اس پٹی پر صیہونی حکومت کے حملوں کے نتیجے شہداء اور زخمیوں کی تعداد میں خوف ناک حد تک اضافہ ہوا ہے۔
رپورٹ کے مطابق قابض صیہونی فوج نے پچھلے چوبیس گھنٹوں میں غزہ کے عام شہریوں کے خلاف قتل عام کے سات جرائم کا ارتکاب کیا جس کے نتیجے میں 71 فلسطینی شہید جب کہ 112 زخمی ہوئے۔
غزہ کی وزارت صحت کے اعلان کے مطابق سات اکتوبر سے اب تک 32 ہزار 623 شہید جب کہ 75 ہزار 92 زخمی ہوئے ہیں۔
دوسری جانب الجزیرہ نیوز چینل کے نمائندے نے مشرقی غزہ پر قابض صیہونی فوج کے حملے میں 15 فلسطینیوں کے شہید ہونے کی خبر دی ہے۔
واضح رہے کہ غزہ میں قابض صیہونی فوج اور فلسطینی فورسز کے درمیان کشیدگی جاری ہے۔
خبری ذرائع نے خان یونس کے مشرق میں شدید جھڑپوں کی اطلاع دی ہے۔
