[]
جئے پور: راجستھان میں کئی سال سے رہنے والے 6 پاکستانی ہندو مائیگرنٹس کو جمعہ کے دن ہندوستانی شہریت مل گئی۔
ایڈیشنل ڈسٹرکٹ کلکٹر (ساؤتھ)شفالی کشواہا نے جئے پور میں پریم لتا‘ سنجے رام‘ بیجل‘ ججراج‘ کیکو مائی اور گومند رام کو سٹیزن شپ سرٹیفکیٹس سونپے۔
41 سالہ پریم لتا نے جو کراچی سے بے دخل ہونے کے بعد 2010میں ہندوستان آئی تھی‘ ضلع انتظامیہ کا شکریہ ادا کیا۔
اس نے کہا کہ ہندوستان آنے کے بعد ہمیں آزادی کا حقیقی احساس ہوا۔
سنجے رام نے کہا کہ میں گزشتہ 10 سال سے ہندوستانی شہریت حاصل کرنے کی کوشش کررہا تھا۔ آج طویل انتظار ختم ہوا۔ اب ہم فخر سے کہہ سکتے ہیں کہ ہم ہندوستانی ہیں۔
ہمیں فالو کریں
