سی اے اے: رجسٹریشن کے لیے آن لائن پورٹل کے بعد اب موبائل ایپ لانچ کرنے کی تیاری

وزارت داخلہ نے https://indiancitizenshiponline.nic.in پورٹل شروع کیا ہے۔ یہ پورٹل وزارت داخلہ کی جانب سے شہریت (ترمیمی) ایکٹ، 2019 (CAA-2019) نافذ کرنے کے اعلان کے فوراً بعد ہی پیر کی رات کو ہی لانچ کر دیا گیا تھا۔ اس قانون کے تحت شہریت حاصل کرنے کے لیے 2 اہم دستاویزات کی ضرورت ہوگی۔ پہلا درخواست گزار کے کردار کی تصدیق کرنے والا حلف نامہ اور دوسرا آئین کے آٹھویں شیڈول میں شامل ہندوستانی زبانوں میں سے کسی ایک سے اچھی واقفیت رکھنے کا ڈکلریشن۔