[]
حیدرآباد: کانگریس لیڈر ملوروی نے گذشتہ روز یادگیرگٹہ کی مندر میں نائب وزیراعلی ملوبھٹی وکرامارکا کی توہین کا ریاست کی اصل اپوزیشن بی آرایس کی جانب سے الزام لگائے جانے کے معاملہ پر ردعمل ظاہر کرتے ہوئے کہاکہ اس معاملہ کو بڑھاچڑھا کر پیش کیاجارہا ہے اور بی آرایس کے لیڈران اس پر مگرمچھ کے آنسوبہارہے ہیں۔
انہوں نے واضح کیا کہ ریاست کی حکمران جماعت دلتوں کا احترام کرتی ہے جس نے دلت کو نائب وزیراعلی کا عہدہ دیا ہے۔انہوں نے کہاکہ اس حقیقت سے تمام واقف ہیں کہ گذشتہ دس سالوں میں بی آرایس کے دور میں دلتوں کی توہین کی گئی۔
انہوں نے کہاکہ موجودہ حکومت میں تمام طبقات کے تال میل کے ساتھ کام کیاجارہا ہے اورعوامی مسائل کے حل کو یقینی بنایاجارہا ہے۔
ہمیں فالو کریں
