پاکستان میں سیاسی اتحاد کا نیا دور، پیپلز پارٹی اور مسلم لیگ ن کا حکومت سازی کا اعلان

خیال رہے کہ پاکستان کی قومی اسمبلی میں کل 266 نشستیں ہیں اور 265 سیٹوں کے نتائج جاری ہو چکے ہیں۔ حکومت بنانے کے لیے 133 نشستوں کا ہونا ضروری ہے۔ 8 فروری کو ملک میں عام انتخابات ہوئے۔ سابق وزیراعظم عمران خان کی پارٹی پاکستان تحریک انصاف کے حمایت یافتہ زیادہ تر آزاد امیدوار کامیاب ہوئے۔ الیکشن کمیشن آف پاکستان نے اعلان کیا ہے کہ عام انتخابات میں آزاد امیدواروں نے سب سے زیادہ 101 نشستیں حاصل کی ہیں۔ ان میں سے 93 امیدوار عمران خان کی پارٹی پی ٹی آئی کے حمایت یافتہ ہیں۔ اس کے بعد پاکستان مسلم لیگ نواز (پی ایم ایل این) کو 75، پاکستان پیپلز پارٹی (پی پی پی) نے 54 نشستیں حاصل کیں۔ متحدہ قومی موومنٹ پاکستان (پی کیو ایم – پی) نے 17 نشستیں حاصل کیں۔ دیگر جماعتوں کو بھی 17 سیٹیں ملی ہیں۔ ایک نشست کا نتیجہ روک لیا گیا ہے۔ کسی جماعت کو قطعی اکثریت نہ ملنے کی وجہ سے معلق اسمبلی کی صورتحال پیدا ہو گئی۔ عمران خان جیل میں ہیں اور حکومت بنانے کی کوششوں میں پیچھے رہ گئے ہیں۔