[]
پارٹی کے آئین میں ترمیم کے مطابق اگر عہدہ خالی ہوا تو پارلیمانی بورڈ کے ارکان براہ راست قومی صدر کا تقرر کر سکیں گے۔ اس تجویز کی منظوری کے ساتھ ہی بی جے پی صدر جگت پرکاش نڈا کی میعاد کار میں بھی جون 2024 تک توسیع کی گئی ہے۔
خیال رہے کہ جے پی نڈا کو جون 2019 میں بی جے پی کا کارگزار صدر مقرر کیا گیا تھا۔ وہ 20 جنوری 2020 کو کل وقتی صدر بنے۔ جنوری 2023 میں نیشنل ایگزیکٹیو میٹنگ میں جے پی نڈا کی مدت کار میں توسیع کی تجویز کو منظوری دی گئی تھی۔ اب قومی کنونشن نے بھی اس فیصلے کی منظوری دے دی ہے۔
