[]
حیدرآباد: تلنگانہ کے کمبھ میلہ سمجھے جانے والی میڈارم جاتراکیلئے انتظامات تقریبا مکمل کرلئے گئے ہیں۔
بدھ سے اس ماہ کی 24تاریخ تک یہ جاترا جاری رہے گی۔اس سلسلہ میں تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی) کے منیجنگ ڈائرکٹر وی سی سجنار نے ٹوئیٹ کیاہے۔
انہوں نے کہاکہ اس جاترا میں شرکت کرنے والوں کی سہولت کیلئے ٹی ایس آر ٹی سی 6000 خصوصی بسیں چلا رہی ہے۔
انہوں نے کہاکہ ریاست کے تمام اضلاع سے بسیں پہلے ہی میڈارم جا چکی ہیں۔ ورنگل، کھمم، کریم نگر اور عادل آباد اضلاع میں 51 کیمپ قائم کیے گئے ہیں جہاں سے یہ خصوصی بسیں میڈارم تک چلائی جائیں گی۔
آرٹی سی دو سال میں ایک مرتبہ ہونے والی اس جاتراکے سلسلہ میں مہالکشمی اسکیم کے تحت خواتین کو بسوں میں مفت سفر کی سہولت پہنچانے کیلئے وزیر ٹرانسپورٹ پونم پربھاکر کی ہدایت کے مطابق یہ بسیں چلائی جارہی ہیں۔
ہمیں فالو کریں
