[]
یاترا کے آخری دن یعنی 29 فروری کو تیجسوی یادو کٹیہار، بھاگلپور، بانکا اور جموئی پہنچیں گے اور پھر جلسۂ عام سے خطاب کریں گے۔ آر جے ڈی ترجمان کا کہنا ہے کہ گزشتہ دنوں حزب مخالف لیڈر تیجسوی یادو کی موجودگی میں پارٹی کے ریاستی صدر جگدانند سنگھ کی صدارت میں ہوئی ضلعی صدور و ضلعی انچارج کی میٹنگ میں ’جَن وشواس یاترا‘ کا فیصلہ لیا گیا تھا۔ اس یاترا میں ان کے ساتھ پارٹی کے دیگر سینئر لیڈران کے ساتھ ہی مہاگٹھ بندھن کے دیگر لیڈران و کارکنان بھی شامل ہوں گے۔
