[]
امراوتی: آندھرا پردیش کی ایک عدالت نے چیک باونس کیس میں اداکار، پروڈیوسر وسیاست داں بنڈلہ گنیش کو ایک سال قید کی سزا سنائی ہے۔
سیکنڈ ایڈیشنل منصف مجسٹریٹ اونگول نے چہارشنبہ کے روز اس کیس کا فیصلہ سناتے ہوئے بنڈلا گنیش کو ایک سال قید کی سزا سنائی۔
گنیش نے قرض واپسی کے حصہ کے طور پر جئے وینکٹیشور لو کو 95 لاکھ روپے کا چیک حوالہ کیا تھا۔ جب وینکٹیشور لو چیک ڈپازٹ کرایا تو معلوم ہواکہ گنیش کے بینک اکاونٹ میں رقم موجود نہیں ہے۔
بعدازاں وینکٹیشور لو نے فلمی اداکار وپروڈیوسر کے خلاف عدالت میں کیس دائر کیا۔ عدالت نے اس کیس میں گنیش کو ایک سال قید کی سزا سنائی۔
عدالت نے گنیش کو حکم دیا کہ وہ درخواست گزار کو 95.10 لاکھ روپے ادا کریں۔ تاہم عدالت نے بنڈلہ گنیش کو اس فیصلہ کے خلاف اعلیٰ عدالت میں اپیل کرنے کے لئے ایک ماہ کی مہلت دی ہے۔
تلنگانہ میں مقیم بنڈلہ گنیش 2018 میں کانگریس میں شامل ہوئے تھے۔ تلنگانہ کے حالیہ اسمبلی الیکشن میں بھی وہ سرگرم تھے۔ انہوں نے تین ماراور گبرسنگھ جیسی فلمیں بنائی ہیں۔
ہمیں فالو کریں
