[]
حیدرآباد: بیوی کے کردارپرشبہ کرتے ہوئے ایک شخص نے اپنی 14ماہ کی بیٹی کوگلادباکرہلاک کردیااورپھر بیٹی کی لاش کے ساتھ پولیس اسٹیشن پہنچ کر خودسپردگی اختیار کرلی۔
یہ افسوسناک واقعہ تلنگانہ کے ناگرکرنول ضلع کے رام ریڈی پلی تانڈہ میں پیش آیا۔ تفصیلات کے مطابق تانڈہ کے تروپتی نائک کی دو سال قبل شادی ہوئی تھی۔
شوہر اپنی بیوی کے کردار پر شبہ کررہا تھا جس کے سبب ان دونوں میں ایک سال سے جھگڑے ہورہے تھے۔ دو دن پہلے بیوی اپنے مائیکے گئی تھی۔
جب شوہر اس کو اپنے ساتھ لانے کیلئے پہنچا تو اس نے انکار کردیا جس پر اس نے اپنی بیٹی کو ساتھ لالیا اوراس کا گلا دبا کر اس کو ہلاک کردیا۔
بعد ازاں اس نے بیٹی کی لاش کے ساتھ آٹو میں پہنچ کر پولیس اسٹیشن میں خودسپردگی اختیار کرلی۔پولیس نے کہا کہ اس واقعہ کے سلسلہ میں مقدمہ درج کر کے ملزم کو ریمانڈکردیاگیا ہے۔
ہمیں فالو کریں
