[]
نئی دہلی: بجٹ ایرلائن اسپائس جیٹ نے جمعہ کے دن کہا کہ اس نے 7 ہندوستانی شہروں بشمول سری نگر‘ گیا‘ گوہاٹی‘ بھوپال‘ اندور‘ اورنگ آباد اور وجئے واڑہ سے حج پروازیں چلانے کے حقوق حاصل کرلئے ہیں۔
ایرلائن کے ترجمان نے کہا کہ جاریہ مالی سال اسپائس جیٹ کو حج آپریشنس سے 337کروڑ روپے کی آمدنی ہوئی۔ اس نے 5 ہندوستانی شہروں سے پروازیں چلائی تھیں۔
اس سال ایرلائن کو حج آپریشنس سے زائد آمدنی کی توقع ہے۔ حج آپریشنس کا پہلا مرحلہ 9 مئی کو مدینہ پروازوں سے شروع ہوگا۔ گزشتہ سال اسپائس جیٹ نے حج پروازوں کے لئے 3 بڑے طیارے مختص کئے تھے۔
صدرنشین و منیجنگ ڈائرکٹر اسپائس جیٹ اجئے سنگھ نے کہا کہ ہمیں ملک کے 7 شہروں سے حج پروازیں چلانے کے حقوق ملنے پر مسرت ہے۔
ہمیں فالو کریں
