سابق مرکزی وزیر جسونت سنگھ کی بہو کی سڑک حادثے میں موت، بیٹے مانویندر کی حالت بھی تشویشناک

ایڈیشنل ایس پی تیج پال سنگھ نے بتایا کہ یہ حادثہ کیسے ہوا اس کی تحقیقات کی جا رہی ہے۔ معاملے کی اطلاع ملتے ہی موقع پر پہنچ کر زخمیوں کو فوری طور پر علاج کے لیے الور لایا گیا۔ ڈرائیور کا بڑودہ میں علاج چل رہا ہے۔ لیکن انہیں بھی الور منتقل کیا جا رہا ہے۔ معاملے کی اطلاع ملتے ہی بی جے پی اور کانگریس کے سبھی سینئر لیڈر اسپتال پہنچے۔ اس موقع پر ضلع کلکٹر اور پولیس سپرنٹنڈنٹ اور دیگر انتظامی افسران بھی موقع پر پہنچے۔