[]
’اے بی پی اسمیتا‘ کی رپورٹ کے مطابق سبھی طالب علم وڈودرا واقع نیو سنرائز اسکول میں پڑھتے تھے جو ہرنی تالاب گھومنے کے لیے پہنچے تھے۔ یہ بات بھی سامنے آ رہی ہے کہ کشتی پر صلاحیت سے زیادہ لوگ سوار تھے جس کی وجہ سے حادثہ پیش آیا۔ حیرت انگیز بات یہ ہے کہ کشتی پر سوار کسی بھی طالب علم یا استاذ نے لائف جیکٹ نہیں پہنی تھی۔ جس تالاب میں یہ واقعہ پیش آیا وہ سات ایکڑ سے زیادہ علاقہ میں پھیلا ہوا ہے۔ تالاب کی حسن کاری کا عمل 2019 میں انجام پایا تھا۔
